Яшчэ аднаго беларуса затрымалі пасля вяртання з Польшчы. У якасці доказу віны — фота са Сцяпанам Пуцілам
У яго затрыманні ўдзельнічала не менш за 5 чалавек.
Затрыманаму Дзмітрыю Палішэвічу 38 гадоў. Гарадзенец захапляецца рыбалкай. Вядома, што ён рэгулярна ездзіў у Польшчу на працу, займаўся будоўляй і ўнутраным аздабленнем будынкаў.
Мяркуючы па відэа сілавікоў, зробленым пад «крутую» музыку, чалавек выходзіць з кватэры з рукамі за галавой, а на яго навальваюцца некалькі ўзброеных службоўцаў. Пасля яны ж выводзяць яго з аўтобуса ў кайданках — у затрыманні ўдзельнічае не менш за 5 чалавек, у тым ліку адзін без зброі і ўніформы, імаверна, губазікавец.
Сілавікі сцвярджаюць, што мужчына нядаўна вярнуўся з Польшчы. Яму закідаюць пакіданне каментароў з абразамі Лукашэнкі і міліцыянтаў. Праўда, доказаў «віны» Дзмітрыя ў відэа няма — замест іх дэманструецца фота са Сцяпанам Пуцілам, імаверна, з Польшчы.
Ці заведзеная супраць мужчыны крымінальная справа, не вядома.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам29
Каментары
Как можно в здравом уме сдаваться, да еще самому ехать чтобы сделать это?