Расія, верагодна, ужыла новую зброю супраць Украіны. Гэта можа змяніць баланс сіл у Чорным моры
Галоўнакамандуючы УСУ Залужны паведаміў аб выкарыстанні Расіяй марскіх надводных дронаў. Пра гэта ён заявіў падчас размовы з кіраўніком Камітэта начальнікаў штабоў ЗША Маркам Мілі.
«Падзяліўся трывогай у сувязі з выкарыстаннем Расіяй марскіх надводных дронаў, што стварае пагрозу грамадзянскаму суднаходству ў Чорным моры», — заявіў Залужны.
Кадры працы, магчыма, такога дрона публікаваліся ўчора ўвечары. Тэлеграм-каналы сцвярджалі, што ён падарваў мост у Затоцы ў Адэскай вобласці. Афіцыйна ўлады гэтага не пацвярджалі.
Залужны не ўдакладніў, дзе менавіта быў выкарыстаны надводны дрон. Але іншых паведамленняў, акрамя атакі на мост у Затоцы, не было.
Surveillance footage possible showing the Zatoka bridge near Odesa being hit by what looks like a naval suicide drone. #Ukraine #Odesa pic.twitter.com/E7IlTuyzSW
Расійскае выданне «Агентство» паведаміла, што Расія, верагодна, ужыла новую зброю супраць Украіны, і яна можа змяніць баланс сіл у Чорным моры.
Як піша OSINT-аналітык H. I. Sutton (нік у твітары), на відэа хутчэй за ўсё безэкіпажны надводны апарат (USV) накшталт тых, што выкарыстоўвае Украіна. Пра тое, што падобныя беспілотнікі ёсць на ўзбраенні Расіі, да гэтага не паведамлялася, падкрэслівае эксперт.
Калі ў расійскай арміі сапраўды з'явіліся падобныя беспілотнікі, то «мы зможам убачыць змену балансу сіл у Чорным моры, гэтым разам на карысць Расіі», піша аналітык.
Расія зможа выкарыстоўваць USV для нападаў на судны, якія знаходзяцца ў Чорным моры ў рамках збожжавай здзелкі, каб затым абвінаваціць у нападах УСУ.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары