У Слуцку чалавека асудзілі на тры гады «хатняй хіміі» і штраф па «справе Зельцэра»
У Слуцку мясцовага жыхара асудзілі за «абразу прадстаўніка ўлады ў сувязі з выкананнем ім службовых абавязкаў, зробленую ў інфармацыі, размешчанай у глабальнай камп'ютарнай сетцы інтэрнэт», паведамляе мясцовая раёнка «Слуцкі край».
Паведамляецца, што абвінавачаны ў верасні 2021 года на персанальнай старонцы ў сацыяльнай сетцы ўкантакце размясціў каментарый у дачыненні да супрацоўніка Камітэта дзяржаўнай бяспекі Рэспублікі Беларусь, «які негатыўна ацэньвае яго, тым самым абразіў прадстаўніка ўлады ў сувязі з выкананнем ім службовых абавязкаў».
Улічваючы, што гэты мужчына мае на ўтрыманні чацвярых малалетніх дзяцей, суд прызначыў яму на падставе арт. 369 Крымінальнага кодэкса Рэспублікі Беларусь пакаранне ў выглядзе абмежавання волі на тэрмін 3 гады без накіравання ў папраўчую ўстанову адкрытага тыпу са штрафам у памеры 100 базавых велічынь.
Ні прозвішча абвінавачанага, ні прозвішча абражанага кадэбэшніка ў артыкуле раёнкі не называецца, але, мяркуючы па тым, калі было здзейсненае інкрымінаванае дзеянне, і з іншых агульных абставін справы, падобна, што мужчыну асудзілі па «справе Зельцэра», а яго крытычныя каментарыі тычыліся загінулага падчас перастрэлкі ў мінскай кватэры супрацоўніка КДБ Дзмітрыя Федасюка.
Пазней «Вясна» паведаміла, што асуджанага завуць Арцём Анціч, а справу супраць яго разглядаў суддзя Аляксандр Тарасюк.
Чытайце таксама:
«Вясна»: Па «справе Зельцэра» ў Беларусі асуджаныя 114 чалавек, 99 з якіх — да пазбаўлення волі
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары