Над Белгарадам сістэма СПА збіла дзве ракеты. Пашкоджаныя некалькі жылых і адміністрацыйных будынкаў
У ноч на 16 сакавіка сістэма СПА збіла дзве ракеты над Белгарадам, паведаміў кіраўнік рэгіёна Вячаслаў Гладкоў. Пашкоджаныя фасады некалькіх адміністрацыйных і жылых будынкаў, жыхары не пацярпелі.
У мясцовых пабліках паведамлялася пра абломкі ракеты, якія ўпалі недалёка ад цэнтра горада і пашкодзілі праезную частку.
За апошнія чацвёра сутак, заявіў губернатар Белагародскай вобласці раніцай 16 сакавіка, у выніку «актыўнасці з боку праціўніка» 58 дамоў атрымалі пашкоджанні, пацярпеў 31 прыватны аўтамабіль.
«Аднаўленчыя работы ўжо пачаліся. Трымаю сітуацыю на сваім кантролі. Усе неабходныя сродкі для аднаўлення жылых будынкаў і прыватнага транспарту ў нас ёсць», — дадаў Гладкоў.
Таксама вядома, што два вагоны цягніка пашкоджаныя на Белгарадскім вакзале ў выніку абстрэлу. Паводле папярэдніх звестак, адзін са збітых снарадаў упаў у раёне 3-га пуці. Пасля дэтанацыі на месцы ўтварылася варонка памерам 1 квадратны метр. Акрамя таго, аскепкамі пашкоджанае 21 акно ў двух вагонах аднаўленчага цягніка і абшыўка вагонаў. Таксама быў перабіты провад высакавольтнай лініі. Акрамя таго, аскепкамі іншых збітых снарадаў у горадзе было пашкоджана некалькі будынкаў і аўтамабіляў. Паводле папярэдняй інфармацыі, абстрэл праводзіўся з боку вёскі Казачая Лопань у Харкаўскай вобласці. Паводле наяўных даных, у выніку абстрэлу ніхто не пацярпеў, паведамляе Baza.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары