Напярэдадні 80-годзьдзя а.Аляксандра Надсана віленскае выдавецтва «Наша будучыня» зрабіла шыкоўны падарунак юбіляру, выдаўшы ў адзіным экзэмпляры кнігу нядзельных і сьвяточных Эвангельляў у беларускім перакладзе.
Напярэдадні 80-годзьдзя а.Аляксандра Надсана віленскае выдавецтва «Наша будучыня» зрабіла шыкоўны падарунак юбіляру, выдаўшы ў адзіным экзэмпляры кнігу нядзельных і сьвяточных Эвангельляў у беларускім перакладзе.
На развароце кнігі напісана «Айцу Надсану на ягонае 80-годзьдзе дзеля духоўнага пажытку верных на славу Бога ў Тройцы Адзінага». У зьмест кнігі ўваходзяць Эвангельлі на сьвяты Гасподнія, Вялікага тыдня, Уваскросныя на ютрані, цэлага тыдня.
Кнігу ўручную аздобілі бісэрам Алена і Марыя Ткачовы. Эвангельлі, як і некалі даўно ў часы Скарыны, маюць загалоўныя па-мастацку аформленыя красныя літары і пажоўклыя старонкі.
У кнізе зьмешчаныя пераклады Эвангельляў самога а.Надсана, а таксама Лукаша Дзекуця-Малея з Антонам Луцкевічам і а.Лява Гарошкі. Багаслоў Ірына Дубянецкая на аснове грэцкіх тэкстаў выправіла асобныя хібы і апрацавала тэксты. Усю кнігу ўклаў грэка-каталіцкі дыякан Сяргей Стасевіч.
8 жніўня Ірына Дубянецкая асабіста падорыць а.Аляксандру Эвангельле. Наўрад ці шаноўны сьвятар атрымае на дзень нараджэньня больш арыгінальны падарунак.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае10
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары