У Беларусі забаранілі прадаваць ніжнюю бялізну вядомага італьянскага брэнда
У спіс забароненых тавараў у Беларусі трапілі тры камбінацыі брэнда Yamamay, паведаміў Дзяржстандарт.
Дзяржстандарт забараніў увоз і продаж гэтых камбінацый у беларускіх крамах, а таксама спыніў дзеянне дакументаў аб ацэнцы адпаведнасці, бо, маўляў, прадукцыя не адпавядае патрабаванням Тэхнічнага рэгламенту Мытнага саюза па паказчыку бяспекі «гіграскапічнасць» (уласцівасць матэрыялу ўбіраць і ўтрымліваць вільгаць).
Yamamay — італьянскі брэнд мужчынскай і жаночай ніжняй бялізны, заснаваны ў 2001 годзе. Брэнд мае каля 600 крам у Італіі і ва ўсім свеце, уключаючы Беларусь.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары