Што рабіць прадпрымальнікам, на якіх цісне рэжым? Разважае прэзідэнт Асацыяцыі беларускага бізнэсу за мяжой
Яўген Буры кажа, што да іх звярталіся бізнэсоўцы, у якіх улады патрабавалі «выкуп».
«Калі ёсць небяспека, то перш за ўсё варта клапаціцца пра сябе, сваю сям'ю, бізнэс і сваіх супрацоўнікаў. Гэта самае галоўнае — астатняе потым. Ёсць сітуацыі, калі трэба проста зафіксаваць страты і рэлакавацца — прадаваць маёмасць, калі яна яшчэ ёсць. Хаця б за нейкі кошт, — падзяліўся Буры развагамі з «Нашай Нівай» падчас ІІ Беларускага бізнэс-форуму ў Вільні. —
Увогуле такія кейсы заўсёды вельмі індывідуальныя. Але лічу, што перш за ўсё трэба шукаць выйсце, каб застацца на свабодзе. Гэта галоўнае.
Трэба разумець, што ніякай супрацы з рэжымам лепш не мець увогуле. Ніякіх гарантый ад рэжыму ўжо не існуе.
Гэта нават залежыць не ад палітычных поглядаў, якіх прытрымліваецца тая ці іншая кампанія ці яе кіраўнік, а ад патрэбаў так званай дзяржавы і тэрарыстычнага рэжыму. Ніякае супрацоўніцтва з рэжымам не можа гарантаваць бяспеку.
Мы раім зрабіць візы, каб мець магчымасць хутка выехаць з краіны».
Ён дадае, што бізнэс з кейсамі, калі патрабавалі «выкуп», да Асацыяцыі звяртаўся, многія бізнэс страцілі.
Двайнікі вядомых беларусаў. І не кажыце, што не задумваліся пра іх падабенства12
Каментары