У канцы красавіка — пачатку мая ўлады некалькіх расійскіх рэгіёнаў абвясцілі пра адмену парадаў перамогі. Па падліках «Вёрсткі», парады не будуць праводзіць як мінімум у 21 горадзе (год таму ў гэтых гарадах парады былі).
З меркаванняў бяспекі ад парадаў адмовіліся ў Калузе, Разані, Арле, Саратаве, горадзе Гусеў Калінінградскай вобласці, Ліпецку і Яльцы, і нават Цюмені, якая знаходзіцца досыць далёка ад фронту.
Так, у Пскове і Вялікіх Луках улады асцерагаюцца не толькі за бяспеку, але і за «маральна-этычныя аспекты». Па словах губернатара Міхаіла Вядзернікава, у рэгіён на рэабілітацыю прыязджае шмат вайскоўцаў, якія гукі феерверкаў «успрымаюць абсалютна па-іншаму», а сродкі, «якія закладзеныя на салюты, можна выдаткаваць на самае неабходнае ўдзельнікам вайны».
У Курску парад вырашылі не праводзіць, «улічваючы бягучую сітуацыю», а ў Белгарадзе — каб «не правакаваць праціўніка вялікай колькасцю тэхнікі і вайскоўцаў» у цэнтры горада.
Улады Краснадарскага краю фармальна не аб'яўлялі пра адмену парадаў у Краснадары і Сочы (яны традыцыйна праходзілі ў мінулыя гады), а толькі заявілі, што вайсковую тэхніку ў гэтым годзе можна будзе ўбачыць толькі ў Наварасійску. У Бранску ўладам таксама хацелася б правесці парад, але зрабіць яны гэтага «не могуць». Чаму «не могуць», губернатар Аляксандр Багамаз не патлумачыў.
Праводзіць парады перамогі не будуць у анексаваных крымскіх гарадах Керч і Сімферопаль. Паўвостраў у апошнія тыдні стаў часцей падвяргацца нападам дронаў. Па словах кіраўніка паўвострава Сяргея Аксёнава, такое рашэнне прынятае з «меркаванняў бяспекі». Таксама адменены парад і ў Севастопалі.
Акрамя таго, парадаў не будзе ў аддаленых ад фронту Ніжнявартаўску, Сургуце і Ханты-Мансійску. У мэрыях гарадоў сцвярджаюць, што хочуць выказаць «салідарнасць з іншымі рэгіёнамі краіны, дзе па меркаваннях бяспекі ўжо адмянілі святочныя мерапрыемствы».
Учора прэс-сакратар Уладзіміра Пуціна Дзмітрый Пяскоў заявіў, што адмяняць парад у Маскве не будуць.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары