Былому палітвязню адмовілі ў статусе бежанца ў Польшчы, але далі іншы
За кратамі Валянцін Лабачоў прабыў паўтара года. У лютым 2023-га выйшаў на волю і праз нейкі час з'ехаў з Беларусі. Цяпер мужчына жыве недалёка ад Варшавы.
Падаваў дакументы на ўцякацтва Валянцін сёлета ў канцы красавіка.
«Атрымліваецца, што палітвязням у бежанстве адмаўляюць. Каму тады гэты статус даюць? На мой погляд, гэта няправільна. Некаторыя людзі, якім таксама адмовілі, пісалі пасля апеляцыю, тады разглядалі яе. Я таксама паспрабую цяпер так», — кажа Лабачоў.
У заяве аб просьбе надаць статус бежанца былы палітвязень пазначыў, што ён правёў за кратамі год і шэсць месяцаў, апісаў палітычную абстаноўку ў Беларусі, а таксама пазначыў, што быў сябрам партый «Беларускі нацыянальны фронт» і «Малады фронт».
Лабачову адмовілі ў надаванні статусу бежанца, але далі дадатковую абарону. Гэта значыць, што назад у Беларусь яго не вышлюць.
Чаму не статус бежанца?
«Вывучыўшы доказы, неабходна зрабіць выснову, што заяўнік не абгрунтаваў свае асцярогі падвергнуцца пераследу ў краіне свайго паходжання па прыкмеце расы, рэлігіі, нацыянальнасці, прыналежнасці да пэўнай сацыяльнай групы або палітычных перакананняў, што ёсць неабходнай перадумовай для прызнання бежанцам <…> Заяўнік, нягледзячы на сваё непрыманне нядаўніх падзей у Беларусі, не можа лічыцца актыўным апазіцыянерам, вядомым уладам сваёй дзейнасці, і, такім чынам, яго патэнцыйныя праблемы ў краіне яго паходжання не могуць быць растлумачаныя пераследам», — адзначылі ў дакуменце польскія ўлады.
Чытайце таксама:
Былы палітвязень: За кантакт з Фядутам каралі карцарам
Пасланне з будучыні. Пенсіянера з Драгічына аштрафавалі за малітву, да якой яшчэ тры месяцы
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
Хоча адразу атрымаць замест пашпарту праязны дакумент са зьмененым прозьвішчам?
Ну рэальна, у чым сэнс бежанства для яго?