Ціханоўская атрымала ананімнае паведамленне пра смерць свайго мужа
Святлана Ціханоўская не атрымлівала звестак ад свайго мужа Сяргея тры месяцы. А цяпер другі раз з пачатку года да яе данеслі чуткі пра ягоную смерць.
Учора ў інтэрнэце зноў сталі з’яўляцца ананімныя звесткі пра смерць Сяргея Ціханоўскага.
«Сёння я атрымала вельмі дзіўнае і жахлівае паведамленне. Невядомы напісаў, што мой муж Сяргей памёр у турме Жодзіна. Няма ніякіх доказаў на карысць гэтага сцвярджэння. Гэта не першы раз, калі распаўсюджваюцца падобныя чуткі, і я не ведаю, як гэта пракаментаваць. Я нічога не чула пра Сяргея з 9 сакавіка, і адвакатам адмовілі ў доступе да яго», — напісала палітык у твітары.
Такія ж чуткі з’явіліся ў лютым. Тады адвакатку пусцілі да Сяргея. І той нават з гумарам пракаментаваў гэту гісторыю.
«Як рэкламшчыка, мяне такі піяр задавальняе», — сказаў Сяргей.
Сёння шмат палітвязняў і іх сем’яў праходзяць катаванне невядомасцю. Пра Віктара Бабарыку нічога невядома больш за два месяцы, пра Мікалая Статкевіча — больш за 4 месяцы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»25
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары