«Мы абавязкова яшчэ скажам сваё слова ў баі» — камандзір «Азова» Пракапенка
Прывезеныя сёння з Турцыі камандзіры палка «Азоў» на мерапрыемстве, якое праходзіла ў цэнтры Львова на 500 дзён з пачатку шырокамаштабнай вайны, не з'явіліся. Зяленскі там прысутнічаў, але не выступаў. Аднак перад гэтым «азоўцы» выступілі ў іншым месцы.
«Сёння, на 500-ы дзень вайны, мы вярнулі дадому ва Украіну 5 герояў-камандзіраў абароны Марыупаля і «Азоўсталі». Яны ваявалі за Украіну, абсалютна гераічна ваявалі. Яны прайшлі праз рускі палон, затым больш за 300 дзён былі ў Турцыі. Ім пара быць дома», — сказаў Уладзімір Зяленскі, падзякаваўшы тым украінцам, якія працуюць для вяртання ваеннапалонных дахаты, а таксама прэзідэнту Турцыі Рэджэпу Таіпу Эрдагану.
Камандзір «Азова» Дзяніс Пракапенка ў сваю чаргу заявіў пра намер яго і іншых «азоўцаў» вярнуцца на фронт:
«Я глыбока ўпэўнены, што армія — гэта камандная праца. І з сёння мы разам з вамі працягнем барацьбу. Мы абавязкова яшчэ скажам сваё слова ў баі».
Каментары