У бабруйскай калоніі скончыў жыццё самагубствам зняволены — праваабаронцы
У бабруйскай папраўчай калоніі № 2 загінуў зняволены. Адміністрацыя спрабуе схаваць надзвычайнае здарэнне, як паведамляюць праваабаронцы.
Бабруйская калонія. Фота ілюстрацыйнае
Паводле інфармацыі, атрыманай Mayday Team як мінімум з дзвюх крыніц, меркавана ў мінулую суботу скончыў жыццё самагубствам саракагадовы мужчына, асуджаны па артыкуле 328 КК «Незаконны абарот наркотыкаў». Вядома, што гэта вязень з 6-га атрада. Ён выкінуўся ўніз галавой з акна чацвёртага паверха аднаго з карпусоў калоніі, які называюць «Тытанікам».
Прычынай суіцыду мог стаць вялікі тэрмін — больш за 10 гадоў пазбаўлення волі і стаўленне да так званых «наркаманаў» з боку супрацоўнікаў Дэпартамента выканання пакаранняў. Мужчына вырашыў, што не вытрымае такіх умоў жыцця, як зазначаюць праваабаронцы.
Што Бабарыка і Калеснікава адказалі на пытанні пра вайну97
Каментары