Лукашэнка пераслаў у Бразілію падарунак, які наўрад ці там ацэняць
Прэс-служба МЗС паведаміла, што Лукашэнка перадаў прэзідэнту Бразіліі Луісу Інасіу Лула да Сілву ад сябе памятны падарунак. У якасці падарунка выступае хакейны світар аматарскай каманды Лукашэнкі. Улічваючы спецыфіку гэтай краіны, выбар прэзента як мінімум дзіўны.
Рэч у тым, што хакей з шайбай — від спорту, які не толькі ў Бразіліі, але і ва ўсёй Паўднёвай Амерыцы не мае папулярнасці і фактычна не развіваецца. Фармальна нацыянальная спартыўная федэрацыя гэтай краіны была прызнаная ІІХФ яшчэ ў 1984 годзе, але з таго часу бразільцы ніколі не рабілі спробаў сур'ёзна выйсці на міжнародную арэну. Увогуле першую гульню яны правялі толькі ў 2014 годзе са зборнай Мексікі, прайграўшы 0:16.
У сучаснай структуры хакейных чэмпіянатаў свету ёсць пяць дывізіёнаў рознага ўзроўню. У найніжэйшым, IV, сёлета гулялі каманды такіх «хакейных» краін, як Кувейт, Манголія, Інданезія і Філіпіны. Але бразільцы, як і іншыя паўднёваамерыканцы, не заяўляюцца нават туды — настолькі гэты від спорту ў іх непапулярны.
Дарэчы, адхіленая ад міжнародных спаборніцтваў разам з Беларуссю Расія ў якасці альтэрнатывы хоча арганізаваць хакейны турнір у рамках арганізацыі БРІКС, у якую ўваходзяць, акрамя Расіі, Бразілія, Індыя, Кітай і Паўднёваафрыканская Рэспубліка. На вышэйпададзенай карце можна наглядна ацаніць узровень гэтага турніру, калі яго ўдасца ўвасобіць у рэальнасць.
СК назваў імёны тых, хто скінуў выбухоўку на базу АМАПа ў Мінску ў 2021 годзе9
Каментары