Служба бяспекі Украіны прызнала датычнасць да атакі на Крымскі мост восенню 2022 года
Як піша «РБК-Украіна», падчас гашэння адмысловай паштовай маркі старшыня Службы бяспекі Украіны Васіль Малюк пацвердзіў, што спецаперацыя, якая скончылася выбухам грузавіка і абвальваннем 250 метраў дарожнага палатна, — справа рук спецслужбаў Украіны.
«Шмат розных спецыяльных аперацый. Пра частку з іх мы можам гаварыць пасля перамогі, пра асобныя з іх мы наогул не будзем гаварыць… Гэта адна з нашых рэалізацый, а менавіта разбурэнне Крымскага моста 8 кастрычніка мінулага года», — падкрэсліў у сваёй прамове Малюк.
Расійскае следства называла вінаватымі ў дыверсіі Галоўнае ўпраўленне разведкі і персанальна яго кіраўніка Кірылу Буданава. Украінскі бок датычнасць да атакі доўга адмаўляў.
З таго часу расіяне паспелі аднавіць Крымскі мост, але нядаўна там адбыліся чарговыя выбухі, у выніку якіх былі пашкоджаныя два пралёты. І аднавіць іх будзе нібыта цяжэй, чым мінулым разам.
Каментары