Стала вядома, што 4 жніўня ў Шклове адбудзецца суд па змене рэжыму ўтрымання Аляксею Глотаву. Па рашэнні суддзі Аляксандра Тараканава палітвязня могуць перавесці на турэмны рэжым, піша «Вясна».
Аляксея Глотава асудзілі да 20-ці гадоў калоніі ва ўмовах узмоцненага рэжыму і штрафу памерам 700 базавых велічынь (22 400 рублёў) па справе «Атрадаў грамадзянскай самаабароны Беларусі», якую ў Беларусі прызналі тэрарыстычнай арганізацыяй. Мужчыну прызналі вінаватым паводле чатырох артыкулаў Крымінальнага кодэкса.
Яму і яшчэ чацвярым палітвязням інкрымінавалі тры эпізоды: спробу падрыву вузла сувязі Вайскова-марскога флоту Расіі ў Вілейцы, замах на прапагандыста Рыгора Азаронка і спробу знішчыць лесанарыхтоўчую тэхніку ў лясгасах.
Аляксей адбывае пакаранне ў шклоўскай калоніі №17.
Каментары