«А што не так?» Пад Лунінцам людзі загараюць каля мемарыяла забітым землякам
У Лунінецкім раёне адпачывальнікі не адзін год збіраюцца каля помніка забітым нацыстамі вяскоўцам. Але нядаўна публікаванае ў сацыяльных сетках відэа з тым, як тое выглядае, выклікала шмат каментароў.
На відэа з тыктоку бачна, што вялікая група людзей адпачывае каля помніка землякам, забітым у Другую сусветную вайну нацыстамі. Некаторыя з адпачывальнікаў загараюць за лічаныя метры ад мемарыяла з вянкамі.
«Людзі! Што з вамі адбываецца?» — эмацыйна падпісала відэа аўтарка.
Па ўсім відаць, што гэтая мясціна даўно стала ўлюблёным месцам адпачынку. Нават разгорнутыя намёты стаяць непадалёк ад помніка.
Возера Белае, на беразе якога помнік, знаходзіцца за 17 кіламетраў ад Лунінца.
Работнік камунальнай службы раёна расказаў «Нашай Ніве», што помнік паставілі ў 1994 годзе на тэрыторыі пляжнай зоны. Тады не задумваліся, што побач з ім могуць загараць людзі.
«Гэтак адпачываюць не адзін год і страху ў гэтым не бачаць», — каментуе сітуацыю камунальнік.
Помнік трапляе ў межы пляжа. Ад яго да возера прыкладна 60 метраў.
Мясцоваму жыхару, які пазваніў у Лунінецкі райвыканкам, чыноўнікі расказалі, што раз на тыдзень пляжы маніторыць адмысловая камісія, якая пільнуе, каб адпачывальнікі не пілі алкаголь ды не распальвалі вогнішчаў.
Пра відэа, якое разышлося па сацсетках, там не ведалі, паабяцалі звярнуць увагу.
Відэа з адпачывальнікамі ля помніка сабрала больш за 130 каментароў. Многія не бачаць праблемы ў тым, што людзі загараюць і разбіваюць намёты побач. Тлумачаць: помнік не апаганьваецца, а могілкі нас паўсюль атачаюць.
Тыя, хто абураецца, аказаліся ў меншасці.
Помнік стаіць на месцы брацкай магілы партызан. На ім спалучаныя каталіцкі крыж і чырвоная зорка.
Вёску Белае Возера з 54 жыхарамі нацысты спалілі ў 1944 годзе. Паселішча было каталіцкім. Па вайне ацалелыя вяскоўцы хацелі яго адбудаваць, але саветы пачалі калектывізацыю і людзі з'ехалі ў Польшчу.
Пазней на месцы вёскі быў палігон для савецкай ваеннай авіяцыі. А ў 1964-ым у ваколіцаў знішчанага паселішча ўзвялі піянерскі лагер «Спадарожнік». А вось на месцы самой вёскі і стаіць помнік, ля якога загараюць адпачывальнікі.
«Наша Нiва» — бастыён беларушчыны
ПАДТРЫМАЦЬГлядзіце таксама:
Якое возера ў Беларусі найбольш прыдатнае для дайвінгу?
Паром праз Мора ГерадотаАд Лунінца да Петрыкава: рэпартаж з неймавернага Палесся
Страшная поедзь: кожны год Лунінец атакуюць вусені амерыканскага белага матыля
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары