Тэлеканал АНТ абвясціў аб закрыцці галоўнага тыднёвага праекта — праграмы «Контуры»
27 жніўня выйшла апошняя праграма праекта.
Аляксандр Аверкаў — першы вядучы праграмы. Скрын відэа
Праграма «Контуры» была ў эфіры больш за 20 гадоў, яна выходзіла ў нядзелю.
Першым яе вядучым быў Аляксандр Аверкаў, які шмат для каго так і застаўся тварам праграмы. Яго знялі ў канцы 2014 года, хаця на АНТ ён застаўся.
Апошнім часам праграму вёў Ігар Пазняк.
«Жанр, у якім працуюць «Контуры», — «інфармацыйны арт». Гэта самы прагрэсіўны стыль падачы інфармацыі, які прадугледжвае асаблівую аўтарскую пазіцыю рэпарцёра ў адносінах да падзеі і цікавае рэжысёрскае рашэнне», — так бачылі сваю праграму яе стваральнікі.
«Контуры» на АНТ — праграма-доўгажыхар са знакам якасці», — так напісала прэс-служба канала ў развітальным пасце ў тэлеграм-канале.
Чым заменяць «Контуры», пакуль невядома.
Каментары
Калі адбыўся пераход да дыктатуры страху - салодкія аверкаўскія казкі пра тое, як дрэнна там і як класна тут - больш не патрэбныя, а таму і контурам зараз месца ў сметніку.