«Мне патрэбны мужчына, а не гістарычная фігура побач». Зяленская — пра ўплыў вайны на яе сямʼю
У даволі асабістым інтэрвʼю першая лэдзі Украіны Алена Зяленская распавяла ВВС аб эмацыйным уплыве вайны на яе сямʼю.
Зяленская распавяла, што іх сямʼі не хапае часу быць разам.
«Але мы трымаемся. У нас ёсць сілы — і эмацыйныя, і фізічныя. І я ўпэўненая, што мы вытрымаем усё», — дадала яна.
Калі ў лютым 2022 года Расія ўварвалася ва Украіну, Алена Зяленская разам са сваімі дзецьмі месяцамі хаваліся ў сакрэтных месцах.
Яна апісала свой эмацыйны стан у пачатку ўварвання як «пастаяннае пачуццё адрэналіну». Але потым, з яе слоў, трэба было супакоіцца і пачынаць жыць «у тых умовах, якія ёсць».
З таго часу Зяленская ўзяла на сябе больш прыкметную ролю ў прасоўванні Украіны. Яна падарожнічае па свеце, сустракаецца з лідарамі і выступае з прамовамі.
«Мы жывём не разам з мужам, сямʼя разʼяднаная. Мы маем магчымасць бачыцца ўсе разам не так часта, як, вядома, мы хацелі б. Сыну не хапае бацькі», — распавяла Алена Зяленская.
Паводле яе слоў, жыццё ва ўмовах вайны дорага абышлося яе дзецям.
«Мне балюча глядзець на гэта, таму што мае дзеці нічога не плануюць. Маёй дачцэ — 19. У такім узросце моладзь марыць аб падарожжах, новых адчуваннях, эмоцыях. У яе няма такой магчымасці. <…> Гэта значыць абмежаванні ў часе, у тым, што ты можаш сабе дазволіць, яны існуюць, і мы неяк спрабуем з гэтым жыць».
Уладзімір і Алена Зяленскія вучыліся ў адной школе, потым працавалі разам у гумарыстычным тэлешоу — ён як акцёр, а яна як сцэнарыстка.
Алена кажа, што ніколі не марыла аб тым, каб Уладзімір стаў «гістарычнай фігурай», і дадае, што сумуе па ім і хоча, каб ён быў побач як яе муж.
«Магчыма, гэта эгаістычна, але мне патрэбны мужчына, а не гістарычная фігура побач», — сказала яна.
Пры гэтым Зяленская мяркуе, што Уладзімір «сапраўды мае энергію, сілу волі, натхненне і ўпартасць для таго, каб выстаяць у гэтай вайне».
«Я веру ў яго і падтрымліваю яго. Я ведаю, у яго сіл хапае. Любы чалавек у гэтай сітуацыі, якога я ведаю, яму было б нашмат цяжэй, чым яму. Ён сапраўды вельмі-вельмі моцны чалавек і цягавіты. І гэтая цягавітасць цяпер нам усім вельмі патрэбная».
Адзін з апошніх праектаў першай лэдзі прысвечаны псіхічнаму здароўю і псіхасацыяльнай падтрымцы ўкраінцаў ва ўмовах вайны. Яна рыхтуецца правесці канферэнцыю ў Кіеве, якая будзе прысвечаная ментальнаму здароўю.
«Я вельмі спадзяюся, што магу кагосьці натхніць, магу камусьці даць надзею ці параду або сваім прыкладам даказаць, што мы жывём, мы працуем, мы ідзём наперад», — сказала яна.
«Ніхто не можа ведаць, што цябе чакае. І, вядома, ніхто не мог уявіць, што ў XXI стагоддзі ў цэнтры Еўропы будзе развязаная такая няпростая вайна. Яна такая жорсткая. Крывавая вайна. Я ніколі не думала, што буду ў гэтай ролі ў гэты час».
«Ужо паўтара года мы не можам быць упэўненыя ў заўтрашнім дні, у нас няма ўпэўненасці ў будучыні», — патлумачыла Алена Зяленская.
«У нас ёсць вялікая надзея на перамогу, але, калі мы яе дачакаемся, мы не ведаем. І гэта доўгае чаканне, пастаянны стрэс», — сказала яна.
Алена Зяленская падчас візіту ў Сеул заклікала Паўднёвую Карэю больш актыўна дапамагаць Украіне
«Аляксей ведае, чаго хоча, і проста бярэ». Жонка Арастовіча распавяла, як яны пазнаёміліся і што яе ў ім раздражняе
Алена Зяленская знялася для вокладкі часопіса Vogue
Зяленская: Наш 9-гадовы сын любіў музыку, а цяпер хоча навучыцца страляць
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары