Пуцін выказаў арыгінальную версію, чаму служыць яўрэйскае паходжанне Зяленскага
Пуцін заявіў, што «заходнія куратары паставілі на чале Украіны этнічнага яўрэя, каб прыкрыць антычалавечую сутнасць сучаснай Украіны». Пра гэта прэзідэнт Расіі заявіў у інтэрв’ю прапагандысту Паўлу Зарубіну.
Фота: Contributor / Getty Images
«Гэта робіць сітуацыю ў найвышэйшай ступені агіднай, што этнічны яўрэй прыкрывае гераізацыю нацызму і тых, хто ўзначальваў у свой час Халакост ва Украіне, а гэта знішчэнне паўтара мільёна чалавек. І найлепш гэта разумеюць простыя грамадзяне Ізраіля. Паглядзіце, што яны кажуць у інтэрнэце», — сказаў Пуцін.
Што пішуць ізраільцяне ў сеціве, Пуцін, які неаднаразова казаў, што інтэрнэтам не карыстаецца, не ўдакладніў.
Нагадаем, што Зяленскі прыйшоў да ўлады ў выніку дэмакратычных выбараў, якія прызналі ва ўсім свеце, у тым ліку і ў Расіі.
Чым сёння займаюцца некалі вядомыя героі ЖЖ? Спойлер: многія так і не закінулі блогерства1
Каментары