Арменія ратыфікавала Рымскі статут Міжнароднага крымінальнага суда, які выдаў ордар на арышт Пуціна
Адпаведнае рашэнне вынеслі ў парламенце краіны, паведамляе «Медуза».
Армянская апазіцыя байкатавала галасаванне: у прыватнасці, сакратар блока «Арменія» Ацрвік Мінасян сказаў, што праект ратыфікацыі нібыта супярэчыць Канстытуцыі Арменіі. Пры гэтым Канстытуцыйны суд краіны заявіў дакладна адваротнае.
Супраць ратыфікацыі Рымскага статута МКС выступілі ў Расіі — там пастанову Арменіі на фоне выдадзеных ордараў на арышт Уладзіміра Пуціна і Марыі Львовай-Бяловай называюць «непрымальнай».
МКС распарадзіўся арыштаваць Пуціна і Львову-Бялову сёлета ў сакавіку па падазрэнні ў незаконным перамяшчэнні ўкраінскіх дзяцей з акупаваных тэрыторый.
У Арменіі заяўляюць, што ратыфікацыя асноватворнага дакумента Міжнароднага крымінальнага суда звязаная з «агрэсіяй Азербайджана ў дачыненні да Рэспублікі Арменія» летась у верасні — тады пасля сутыкнення на мяжы дзвюх краін загінулі 49 вайскоўцаў Арменіі. Акрамя таго, улады краіны лічаць, што Азербайджан здзейсніў ваенныя злачынствы на тэрыторыі Арменіі.
Еўрапарламент у верасні заклікаў МКС выдаць ордар на арышт Лукашэнкі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары