Беларуса затрымалі за замах на расійскага вайскоўца ў Крыме, у яго знайшлі сховішча з выбухоўкай — медыя
Замах адбыўся 23 верасня ў Джанкое — «Шэўрале Авеа», які належыць вайскоўцу, узарвалі з дапамогай самаробнага выбуховага прыстасавання вагой 500 грам у тратылавым эквіваленце.
Следчы камітэт Расіі мяркуе, што да выбуху мог быць датычны 61-гадовы Вячаслаў Піскуноў — «грамадзянін Беларусі, зарэгістраваны ў Чэхіі, які пражывае ў Севастопалі», піша Baza.
Паводле «Базы», следчыя правялі ператрус у Севастопалі і знайшлі цэлы схрон, які належыць Піскунову: электрадэтанатары, амаль 2 кг гексагену, пісталет-кулямёт і 138 патронаў.
Паводле версіі СК, з наяўных кампанентаў 20 верасня мужчына сабраў самаробнае выбуховае прыстасаванне і ўсталяваў бомбу на машыну вайскоўца.
Піскуноў, паводле выдання, даў прызнальныя паказанні. Ён затрыманы. Як піша «База», на яго распачалі справу за спробу забойства, захоўванне выбуховых рэчываў і наўмыснае пашкоджанне маёмасці.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак11
Каментары