Служба дзяржбяспекі Латвіі не лічыць злачынствам супрацоўніцтва латвійскай еўрадэпутаткі з расійскай ФСБ
Служба дзяржбяспекі (СГБ) Латвіі 30 студзеня заявіла, што дзеянні дэпутаткі Еўрапарламента Таццяны Жданок, якая як мінімум з 2004 года ўзаемадзейнічала з супрацоўнікамі ФСБ, «не кваліфікуюцца як злачынства».
У ведамстве ўдакладнілі, што не лічаць злачыннай дзейнасць еўрадэпутаткі, таму што яна прыйшлася на перыяд з 2004 па 2013 год, а да 2016 года латвійскае заканадаўства не прадугледжвала крымінальную адказнасць за дапамогу замежнай дзяржаве або замежнай арганізацыі, накіраваную супраць Латвіі.
Паводле ацэнкі ведамства, статус Таццяны Жданок як дэпутаткі Еўрапарламента і яе юрыдычная недатыкальнасць, якая забяспечваецца гэтым статусам, «былі важным аспектам, які спрыяў яе дзейнасці па падтрымцы геапалітычных інтарэсаў Расіі».
Служба бяспекі Латвіі плануе «ацаніць інфармацыю аб магчымым супрацоўніцтве Жданок з расійскімі спецслужбамі».
Тым часам у Еўрапарламенце пачалі ўнутранае расследаванне абставін магчымага супрацоўніцтва Жданок з расійскімі спецслужбамі.
У прэс-службе Еўрапарламента ў адказ на запыт Deutsche Welle паведамілі, што абвінавачванні на адрас Жданок праз меркаванае супрацоўніцтва з ФСБ з'яўляліся ў СМІ ў 2016 годзе. Калі факты яе ўзаемадзеяння з расійскімі спецслужбамі пацвердзяцца, супраць еўрадэпутаткі могуць увесці санкцыі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Але здаецца, што раследваньне справы Жданок - толькі пытанне часу. Бо гучыць неверагодна, каб яна спыніла супрацоўніцтва з ФСБ менавіта ў 2016.