Ён не адпавядае рэгламенту Мытнага саюза.
Папулярны ў многіх беларусаў індыйскі чай трапіў у спіс забароненай прадукцыі ў Светлагорску. Пра гэта паведаміў Светлагорскі цэнтр гігіены і эпідэміялогіі.
Спецыялісты ў студзені правялі рэйд па крамах горада. Яны зазірнулі ў мноства гандлёвых пунктаў самых папулярных сетак і знайшлі там некалькі няякасных тавараў. Адным з іх і быў легендарны індыйскі чай «Прынцэса Гіта».
Супрацоўнікі Цэнтра вызначылі, што папулярны чай, які выпускаюць у Расіі, не адпавядае тэхрэгламенту Мытнага саюза «Аб бяспецы харчовай прадукцыі», а таксама крытэрам гігіенічнага нарматыву «паказчыкі бяспекі і бясшкоднасці харчовай сыравіны і харчовых прадуктаў», зацверджанага ўрадам.
Аднак што менавіта не так, цэнтр гігіены не ўдакладняе.
Каментары