Парашэнка заявіў, што мае намер удзельнічаць у наступных выбарах ва Украіне
Экс-прэзідэнт Украіны таксама збіраецца балатавацца ў Еўрапарламент у выпадку ўступлення Украіны ў ЕС.
«Калі вы пытаецеся ў мяне, ці планую я ўдзельнічаць у наступных выбарах, — так», — сказаў палітык у інтэрв'ю каналу Al Jazeera.
Па словах Парашэнкі, для іх правядзення Украіна павінна перамагчы ў канфлікце, паведамляе «Новое издание».
Акрамя таго, ён паведаміў, што мае намер балатавацца ў Еўрапарламент у выпадку ўступлення Украіны ў ЕС.
Парашэнка быў прэзідэнтам Украіны ў 2014—2019 гадах пасля ганебных уцёкаў з краіны Віктара Януковіча, якога зрынулі ў выніку другога Майдану.
Увесну 2019 года Парашэнка балатаваўся на другі тэрмін, але прайграў выбары Уладзіміру Зяленскаму.
Прэзідэнцкія выбары ва Украіне меліся прайсці ў гэтым годзе, але пакуль адмененыя з прычыны вайны.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары
Што тычыцца кантактаў Ціханоўскай і яе каманды з Парашэнкай і Еўрапейскай салідарнасцю - то тут няма нічога ганебнага. Нагадаю, што менавіта ЕС яшчэ летам 2020 года стварыла ў Вярхоўнай Радзе дэпутацкую групу ў падтрымку дэмакратычнай Беларусі, у якую тады не ўвайшоў аніводны дэпутат ад Слугі народа. То бок калі хтосці не звыштаксічны гатовы падтрымаць беларускія дэмакратычныя сілы - welcome, а прэтэнзіі да боку Парашэнкі з боку ўкраінскіх уладаў за 5 год кіраўніцтва Зяленскага і СН нават не атрымалі выгляду судовай справы.
PS І 10 год таму аб Міша казаў а зараз беларусы самі пабачылі памацалі