На Кальварыйскай маршрутка паехала на чырвонае і падбіла тры аўто ВІДЭА
Кіроўца маршруткі пагрэбаваў правіламі дарожнага руху.
Здарэнне адбылося а восьмай вечара ў сераду на скрыжаванні вуліц Кальварыйскай і Клары Цэткін, паведамляе ДАІ горада.
40-гадовы кіроўца маршруткі, выехаўшы на забараняльны сігнал святлафора, сутыкнуўся з аўтамабілем «Volkswagen», які рухаўся на дазваляльны сігнал святлафора.
Па інерцыі ад удару аўтамабілі выкінула на паласу сустрэчнага руху, дзе адбылося сутыкненне з Fiat і Mercedes.
53-гадовую і 47-гадовую пасажырак маршрутак даставілі ў бальніцу для далейшага абследавання.
Каментары