Расійскі сотавы аператар не бачыць неабходнасці ў продажы беларускага актыву, бо задаволены фінансавымі вынікамі яго працы. Пра гэта заявіў прэзідэнт кампаніі Вячаслаў Нікалаеў, піша ТАСС
Пры гэтым кіраўнік МТС адзначыў, што ў выпадку паступлення выгаднай прапановы аб продажы кампанія яго разгледзіць.
Калі гэта будзе добрая прапанова, то мы, напэўна, пагодзімся. Але гэта добрая «дачка», яна прыносіць дывідэнды. Ніякай неабходнасці ў продажы няма», — сказаў Нікалаеў.
«Белтэлекам» валодае пакетам у МТС, яго доля складае 51%, астатняя частка належыць расейскай кампаніі.
Нядаўна кампанія прадала кіпрскаму пакупніку 100% сваёй даччынай структуры ў Арменіі. Паведамлялася таксама, што МТС прапанавала замежным інвестарам выкупіць іх акцыі коштам утрая ніжэйшым за рынак.
У красавіку ў беларускім ТАА «Мабільныя Тэлесістэмы» змяніўся кіраўнік. Ім стаў выхадзец з КДБ Уладзімір Козыр.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы5
Каментары