Пад Гомелем чырванакніжныя драпежнікі загрызлі амаль 30 ланяў
Інцыдэнт адбыўся ў ноч з 13 на 14 траўня ў вальеры, які знаходзіцца недалёка ад вёскі Даўгалессе Гомельскага раёна. На момант нападу ў вальеры было 38 ланяў, жывымі засталіся толькі дзевяць, расказаў выданню «Смартпрэс» намеснік старшыні Беларускага таварыства паляўнічых і рыбаловаў Юрый Лашкевіч.
«Мы лічым, што хутчэй за ўсё гэта было сямейства рысяў, якое вучыла сваіх кацянят паляваць. Таму што ўсе выяўленыя 27 ланяў былі з перакушаным горлам», — пракаментаваў здарэнне Юрый Лашкевіч.
Таксама магчымай прычынай здарэння лічаць геолагаразведку. якую праводзіць у гэтым месцы «Беларуснафта», што магло паўплываць на міграцыю рысі.
Вальер памерам 800х200 метраў знаходзіўся пад кругласутачнай аховай егераў і паляўнічых, аднак у ноч, калі гэта здарылася, егер дзяжурыў на іншым краі тэрыторыі.
У вальеры на ператрымцы са снежня 2023 года знаходзіліся лані, якіх павінны былі выпусціць у паляўнічыя гаспадаркі ў чэрвені гэтага года.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
А насчет потомства у рысей : гон уже прошел ,
значит годовасики из предыдущего помета разбрелись на свои харчи
и они на копытную дичь не полезут.
А новое потомство едва родилось.
Ищите собак ,которых ночью отпускают в соседней деревне.