У Чачэрскім раёне вяскоўцы разгледзелі ў дупле чалавечы твар, раёнка гаворыць пра «цуд»
У вёсцы Дабрынь Чачэрскага раёна ёсць пахаванне часоў вайны, тут спачываюць расстраляныя немцамі ў 1942 годзе маладыя мужчыны і юнакі. Цяпер жа, як піша мясцовая раёнка, «нядаўна тут на зрэзе бярозы знайшлі малюнак, які нагадвае твар мужчыны».
Людзі, якія з гэтым сутыкнуліся, звярнуліся па тлумачэнні ў царкву, але «царкоўныя служкі не надаюць здарэнню значэння і тлумачаць гэта звычайнай гульнёй прыроды».
Але аўтарка артыкула ў раёнцы не адчайваецца:
«А ўжо верыць у цуд ці не — вырашаць кожнаму індывідуальна. Але ўжо сапраўды маці-прырода можа ўразіць і шакаваць. Трэба толькі гэта заўважыць».
У якасці паралеляў прыводзяцца прыродныя дзівы ва ўсім свеце: возера Хілер у Аўстраліі з ярка-ружовым колерам вады, скала Янардаг у Азербайджане, якая гарыць, амерыканскае возера Крэйтэр у выглядзе сэрца, а таксама гіганцкія секвоі ў ЗША.
Ну і, вядома, «асаблівую цікавасць маюць людзі да нібыта лікаў святых, якія праяўляюцца на зрэзах або зломах насаджэнняў». Як прыклады згадваюцца «падабенства абрысаў Багародзіцы з немаўлём на месцы спілаванага сука ў вёсцы Губарэвічы Хойніцкага раёна. Нешта падобнае было зафіксавана і на старой сасне ў Баранавічах».
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома14
Каментары