У Расіі на паліцэйскага падчас паказальных выступленняў звалілася службовая машына ВІДЭА
Здарэнне адбылося 28 чэрвеня ў Цэнтры прафесійнай падрыхтоўкі супрацоўнікаў Дзяржаўнай інспекцыі бяспекі дарожнага руху ў падмаскоўнай Іванцееўцы, піша Mash.
![](http://nnexpictures.fra1.digitaloceanspaces.com/img/w732d4webp1/photos/z_2024_06/2024-06-28154702-90hep.png.webp)
Падчас выступлення прафесійнай пілатажнай групы «Каскад» кіроўцы выконвалі трук: машына ехала бокам на двух колах. У пэўны момант яна ўпала проста на супрацоўніка, прыціснула яго і працягнула некалькі метраў.
Мужчына выжыў толькі дзякуючы шлему, але яго мусілі шпіталізаваць. Яму дыягнаставалі пералом нагі і ўдары, але жыццю нічога не пагражае.
Папярэдняя прычына надзвычайнага здарэння — машына не набрала хуткасць, неабходную для паспяховага выканання трука.
Каментары