Еўрасаюз спыняе закупкі мэблі з Беларусі. Такім чынам Мінск пазбавіцца €112 млн чаканай выручкі за год, паведамляе Беларускі расследавальніцкі цэнтр са спасылкай на Earthsight.
Рашэнне, апублікаванае ў канцы чэрвеня, у прыватнасці, забараняе імпарт мэблі, якая падпадае пад мытныя коды 9401 і 9403, якія ўключаны ў пашыраны пералік тавараў, якія дазваляюць Беларусі дыверсіфікаваць свае крыніцы даходаў, тым самым робячы магчымым яе ўдзел у расійскай агрэсіі супраць Украіны.
Гэты крок прыпыняе закупкі ЕС беларускай драўлянай мэблі на суму больш за 112 мільёнаў на год. У апошнія месяцы асноўнымі пунктамі ўвозу гэтай прадукцыі былі Германія і Польшча, за якімі ішлі Літва і Румынія.
З пачатку вайны ва Украіне ЕС імпартаваў беларускай мэблі на суму каля 250 мільёнаў еўра.
Раней сёлета праваабаронцы, члены Еўрапарламента і былыя палітвязні Беларусі заклікалі Лясную апякунчую раду расследаваць, як мэбля з беларускіх турмаў атрымала яе ўхваленне, піша БРЦ.
Сертыфікат FSC — гэта канкурэнтная перавага для кампаній на рынку ЕС. Многія спажыўцы аддаюць перавагу прадукцыю з маркіроўкай FSC, бо яна гарантуе, што матэрыялы здабыты ўстойлівымі і законнымі метадамі.
Нягледзячы на масавыя рэпрэсіі, FSC працягваў выдаваць сертыфікаты папраўчым калоніям у Беларусі і ў 2020 годзе.
БРЦ знайшоў восем такіх калоній. Яны прадавалі мэблю і іншую прадукцыю, якую выраблялі зняволеныя, у тым ліку асуджаныя па палітычных артыкулах. Сертыфікаты ў іх адклікалі толькі ў 2021-м.
На сайце дзяржаўнага прадпрыемства «№5» (папраўчая калонія ў Івацэвічах) да гэтага часу пазначана, што яны пастаўляюць мэблю ў краіны ЕС.
Згодна з рэзалюцыі ЕС, новая забарона не будзе прымяняцца да 2 кастрычніка 2024 г. для кантрактаў, заключаных да 1 ліпеня гэтага года.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце3
Каментары