Пералік відаў дзейнасці, якімі можна будзе займацца рамеснікам, стане менш у параўнанні з дзейным. Пра гэта распавёў міністр эканомікі Юрый Чабатар, піша БелТА.
Паводле яго слоў, на сённяшняй нарадзе Аляксандра Лукашэнкі з кіраўніцтвам урада абмеркавалі ўказ аб ажыццяўленні фізічнымі асобамі рамеснай дзейнасці. Калі ён будзе прыняты, урад зацвердзіць і канкрэтны пералік такіх відаў дзейнасці.
— Асноўнае патрабаванне да гэтага пераліку мы выпрацавалі і сёння ўзгаднілі.
Гэта перш за ўсё захаванне аўтэнтычных, самабытных нашых рамёстваў.
Усё гэта павінна вырабляцца рамеснікамі сваімі рукамі і з дапамогай прымітыўных прылад працы, — адзначыў Юрый Чабатар.
Ён таксама дадаў, што відаў дзейнасці для рамеснікаў стане менш у параўнанні з тым пералікам, які дзейнічаў у Беларусі раней. Захаваць у ім плануюць выключна самабытныя разнавіднасці рамёстваў.
— Гэта значыць тыя віды, якія папулярныя і развітыя, напрыклад, выраб вырабаў з эпаксіднай смалы, гіпсу, варыць мыла… тут няма нашай беларускай самабытнасці. Значыць, такія віды дзейнасці з гэтага пераліку знікнуць, — падсумаваў міністр.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары