Паліцыя Германіі затрымала мужчыну, якога падазраюць у забойстве траіх чалавек на гарадскім свяце ў Золінгене ў пятніцу, 23 жніўня.
«Чалавек, якога мы шукалі ўвесь дзень, толькі што быў затрыманы», — паведаміў тэлеканалу ARD міністр унутраных спраў зямлі Паўночны Рэйн-Вестфалія Герберт Рэул. Ён не прывёў іншых падрабязнасцяў.
СМІ пішуць, што падазраваны сам здаўся ўладам.
Паводле Der Spiegel, 26-гадовы падазраваны прыбыў у Нямеччыну ў канцы снежня 2022 года і запытаў прытулак. Ён не знаходзіўся ў полі зроку праваахоўных органаў. Па даных Bild, ён падышоў да паліцыянтаў увесь у крыві і сказаў: «Я той, каго вы шукаеце».
Адказнасць за напад у Золінгене ўзяла на сябе групоўка «Ісламская дзяржава».
Святкаванне 650-годдзя горада ў нямецкім Золінгене (федэральная зямля Паўночны Рэйн — Вестфалія) у пятніцу, 23 жніўня, абярнулася трагедыяй. У сярэдзіне прымеркаванага да памятнай даты «фестывалю разнастайнасці» на адной з цэнтральных плошчаў горада на прысутных напаў невядомы з нажом.
У выніку нападу былі забітыя як мінімум тры чалавекі. Яшчэ восем чалавек атрымалі раненні.
Святкаванні, якія павінны былі працягнуцца да 25 жніўня, былі адмененыя.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары