Пуцін упершыню едзе ў краіну, якая з'яўляецца ўдзельніцай Рымскага статута і фармальна павінна яго арыштаваць
Але ў Крамлі не баяцца. «У нас выдатны дыялог з нашымі сябрамі ў Манголіі», — мяркуе Дзмітрый Пяскоў.
У Крамлі «няма перажыванняў» наконт таго, што Манголія, куды 3 верасня з візітам паедзе прэзідэнт Расіі Уладзімір Пуцін, — удзельніца асноватворнага дакумента Міжнароднага крымінальнага суда, паведаміў прэс-сакратар кіраўніка дзяржавы Дзмітрый Пяскоў, паведамляе РБК.
«У нас выдатны дыялог з нашымі сябрамі ў Манголіі», — адзначыў ён, дадаўшы, што «ўсе аспекты візіту старанна рыхтаваліся».
У сакавіку мінулага года Міжнародны крымінальны суд выдаў ордэр на арышт Пуціна і дзіцячага амбудсмена Марыі Львовай-Бяловай, якіх падазраюць «у незаконнай дэпартацыі насельніцтва (дзяцей) з акупаваных тэрыторый Украіны».
Крэмль назваў рашэнне суда неадпаведным з прававога пункту гледжання, паколькі Масква не знаходзіцца пад юрысдыкцыяй гэтай інстанцыі.
Манголія далучылася да Рымскага статута, і тэарэтычна Пуціна могуць так арыштаваць.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары