Іран можа ўжо ў найбліжэйшы час пачаць пастаўкі балістычных ракет у Расію
Еўрапейскія афіцыйныя асобы чакаюць, што Іран найбліжэйшым часам паставіць Расіі балістычныя ракеты, паведамляе агенцтва Bloomberg са спасылкай на дасведчаныя крыніцы.
Іран ужо паставіў Расіі шмат беспілотнікаў Shahed, якія штодня выкарыстоўваюць расійскія войскі для нападаў на ўкраінскія гарады. А ў пачатку года агенцтва Reuters паведамляла, што Тэгеран мог перадаць Маскве і каля 400 балістычных ракет.
Крыніцы Bloomberg не раскрываюць магчымыя тэрміны паставак, тып ракет і маштабы паставак, але пры гэтым адзін з іх выказаў здагадку, што пастаўкі могуць пачацца цягам некалькіх дзён.
На ўзбраенні ў Ірана, у прыватнасці, ёсць ракеты «Фатх-360» з радыусам дзеяння да 120 км, пра іх магчымыя пастаўкі гаварылася ў матэрыяле Reuters. Аднак таксама Іран мае і істотна больш дальнабойныя ракеты, у прыватнасці «Саджыл», радыус якой дасягае 2500 км — па прынятай класіфікацыі, гэта ракета сярэдняй далёкасці.
ЗША і хаўруснікі ў НАТА неаднаразова перасцерагалі Тэгеран ад такога кроку і рабілі дыпламатычныя намаганні, каб прадухіліць яго, адзначае агенцтва. Прадстаўнік Рады нацыянальнай бяспекі ЗША, па паведамленні Reuters, заявіў, што пастаўкі Іранам у Расею зброі такога класа будуць расцэньвацца як эскалацыя агрэсіі супраць Украіны, і што ЗША, а таксама краіны НАТА і G7 гатовыя даць на гэтыя дзеянні «хуткі і жорсткі адказ». Які, праўда, не ўдакладняецца.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары