Ад 6 красавіка для ўезда ў ЕС трэба будзе мець мінімум дзве пустыя старонкі
Змяняюцца фармальныя ўмовы для выдачы візаў у краіны Еўрасаюза.
Як паведаміў на брыфінгу 16 лютага начальнік упраўлення па грамадзянстве і міграцыі ГУУС Мінгарвыканкама Ігар Ігнатовіч, 5 красавіка ўступае ў сілу візавы кодэкс ЕС.
Артыкул 12 гэтага дакумента прадугледжвае, што грамадзянін, якая хадайнічае аб атрыманні візы, павінен прадставіць сапраўдны дакумент на паездку, які адпавядае
тром крытэрам
Па-першае, тэрмін дзеяння дакумента павінен сканчацца не раней за тры месяцы пасля меркаванай даты выезду з тэрыторыі краіны-чальца ЕС або — у выпадку шматразовых паездак — пасля апошняй меркаванай даты выезду з тэрыторыі краіны-чальца ЕС. Ад гэтага абавязка можна адступаць толькі ў выпадку належным чынам абгрунтаванай неадкладнай неабходнасці, адзначыў Ігнатовіч.
Па-другое, дакумент павінен змяшчаць як мінімум дзве чыстыя старонкі.
Па-трэцяе, дакумент павінен быць выдадзены менш за дзесяць гадоў таму.
Ігнатовіч заклікаў грамадзян,
якія маюць намер пасля 5 красавіка выязджаць у краіны ЕС, загадзя абмяняць пашпарты.
Краіны ЕС: Аўстрыя, Бельгія, Балгарыя, Вялікабрытанія, Венгрыя, Германія, Грэцыя, Данія, Ірландыя, Іспанія, Італія, Кіпр, Латвія, Літва, Люксембург, Мальта, Нідэрланды, Польшча, Партугалія, Румынія, Славакія, Славенія, Фінляндыя, Францыя, Чэхія, Швецыя, Эстонія.
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы2
Каментары