Старшыня ЦВК спрагназаваў, колькі прозвішчаў будзе ў бюлетэні на прэзідэнцкіх выбарах
Ігар Карпенка панаракаў, што ўсім патэнцыйным кандыдатам трэба было пачынаць рыхтавацца яшчэ ў 2020 годзе.
Старшыня Цэнтральнай выбарчай камісіі Беларусі Ігар Карпенка ў інтэрв'ю АНТ паразважаў пра пачатак электаральнай кампаніі. Сярод іншага, яго спыталі, колькі кандыдатаў ён чакае.
«Мне складана прагназаваць. На стадыі збору подпісаў можа быць 5-6 груп. Хто рэальна збярэ — у агульнай колькасці можа быць у бюлетэні 3-4 прозвішчы», — сказаў Карпенка.
Ён таксама панаракаў на прэтэнзіі, што засталося мала часу для падрыхтоўкі патэнцыйных кандыдатаў да выбараў.
«Трэба было сур'ёзна над гэтым працаваць, а не чакаць, калі будзе аб'яўленая дата выбараў, а потым крычаць голасам, што мы не гатовы, мы яшчэ не паспеем, дайце нам яшчэ месяц», — падкрэсліў старшыня ЦВК.
Нагадаем, што на мінулым тыдні была зацверджаная дата чарговых выбараў — 26 студзеня 2025 года, за паўгода да канца бягучага тэрміна. На гэты момант толькі адна ініцыятыўная група падала дакументы на рэгістрацыю кандыдатам — група Аляксандра Лукашэнкі. Пра сваё жаданне ўзяць удзел у выбарах выказаліся Алег Гайдукевіч і Ганна Канапацкая.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў53
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары