Двое мінскіх тынейджараў утапілі ў Свіслачы шэсць электрасамакатаў
Падлеткі позняй ноччу вярталіся з камп'ютарнага клуба. Праходзячы па набярэжнай Свіслачы, прыяцелі ўбачылі чатыры шэрынгавыя самакаты. Адзін з хлопцаў прапанаваў кінуць іх у раку, што яны і зрабілі.
Праз некалькі дзён маладыя людзі ўтапілі яшчэ два электрасамакаты. Агульная сума нанесенай шэрынгавай кампаніі шкоды склала больш за 3 600 рублёў, пішуць Мінск-навіны.
Хлопцаў вылічылі дзякуючы запісам камер відэаназірання, у дачыненні да іх распачалі крымінальную справу. Свае ўчынкі прыяцелі так і не змаглі выразна растлумачыць.
— Адзін з абвінавачаных навучаецца ў 10-м класе адной са школ, яго сябра — навучэнец каледжа, які раней ужо меў праблемы з законам, — пракаментаваў намеснік пракурора Цэнтральнага раёна Андрэй Нікольскі.
Віну маладыя людзі прызналі цалкам, у зробленым раскаяліся.
У дачыненні да абвінавачаных абраная мера стрымання ў выглядзе аддачы непаўналетніх пад нагляд.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары