Камуніст Сыранкоў усімі сіламі даказвае сваю фіктыўнасць: пахваліўся, што паставіў подпіс за Лукашэнку
Кампартыя, якая нібыта выставіла свайго прэтэндэнта, працягвае агітаваць за іншага кандыдата.
Прэтэндэнт на пасаду прэзідэнта ад Кампартыі Сяргей Сыранкоў вырашыў уключыцца ў агітацыю за свайго нібы суперніка — Аляксандра Лукашэнку.
Сёння ў Беларусі пачаўся збор подпісаў у падтрымку вылучэння кандыдатаў. Кожнай з сямі ініцыятыўных груп трэба за месяц сабраць 100 тысяч подпісаў.
Камуністы вылучылі свайго прэтэндэнта Сяргея Сыранкова, але ён усімі сіламі імкнецца паказаць, што змагацца за пасаду не мае намеру. У сацсетках Кампартыі Сыранкоў пахваліўся, што пасля мітынгу з нагоды 7 лістапада перш за ўсё паставіў подпіс за Лукашэнку на пікеце ў ГЦ «Сталіца».
«Перш за ўсё на пікет да першага», — гаворыцца ў паведамленні КПБ.
Нагадаем, пасля падачы дакументаў для рэгістрацыі ініцыятыўнай групы камуністы заявілі, што ідуць на выбары «не замест, а разам з Лукашэнкам». І паабяцалі агітаваць супраць лібералізацыі ў Беларусі.
Да збору подпісаў дапусцілі, акрамя Лукашэнкі, шэсць прэтэндэнтаў. Усе яны дэкларуюць сваю поўную падтрымку Лукашэнку.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары