Пра доўгатэрміновыя прагнозы на наступныя зімовыя месяцы ў Беларусі расказала начальніца службы гідралогіі і аграметэаралогіі Белгідрамета Кацярына Істоміна на прэс-канферэнцыі ў Мінску, піша «Смартпрэс».
«Сёння мы з месячнай своечасовасцю можам спрагназаваць толькі анамалію тэмпературы або анамалію ападкаў: г.зн. на колькі цяплей ці халадней будзе ў пэўным месяцы, на колькі вільготным або сухім будзе гэты месяц, — патлумачыла Кацярына Істоміна. — Найбольш дакладныя прагнозы мы цяпер можам рабіць толькі на тыдзень наперад».
Паводле яе слоў, у цэлым зіма 2024/2025 года з верагоднасцю больш за 50% у Беларусі будзе цёплай.
«Ападкі будуць у межах кліматычнай нормы. Аднак з-за таго, што тэмпература будзе павышанай, ёсць верагоднасць, што ападкаў будзе больш у змяшанай і вадкай фазе (мокры снег, дождж). То-бок на падставе доўгатэрміновых прагнозаў на працяглае снегавое покрыва пакуль разлічваць не даводзіцца», — адзначыла спецыялістка.
Разам з тым, гэтай зімой абавязкова будуць і моцныя маразы, і вельмі цёплае надвор'е, дадала яна.
«Будзе і снег, каб пакатацца на санках і лыжах. Дакладней сёння сказаць проста немагчыма», — канстатавала прадстаўніца Белгідрамета.
Нічога канкрэтнага яна пакуль не можа сказаць і адносна надвор'я на Новы год:
«На жаль, сучасны ўзровень прагназавання не дазваляе сіноптыкам з належнай дакладнасцю за месяц спрагназаваць надвор'е ў тым ці іншым пункце ў канкрэтны дзень».
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Карацей, з прамовы метэаралягіні варта чакаць усяго, і не чакаць усяго. Бо будзе ўсё, што толькі можа быць, усё, што заўгодна, і ня будзе ўсяго, што заўгодна. Добры прагноз ! :) Залічваецца, я такі самы зрабіў... :))
Калі пахаладаньня не чакаецца, ён сьпіць на падлозе, у якімсьці ўтульным кутку, у якім яго ніхто ня ўбачыць, а ён бачыць усё.
Калі йдзе на цяпло, ён лезе спаць на падваконьне.
Калі чакаецца пахаладаньне - лезе да канвектара альбо на крэсла, а калі чакаецца на добры мароз, дык ляжыць на канапе, а ўначы можа і пад коўдру да мяне залезьці й варкатаць свае бясконцыя сьпевы за жыцьцё...
І заўважце, ён ніколі не памыліўся. :)))