На наступным тыдні беларусы будуць болей адпачываць, чым працаваць — цэлыя чатыры дні
А ці можна зрабіць сабе яшчэ адзін дадатковы выходны?
У 2024 годзе засталося адпрацаваць два дні: 30 і 31 снежня.
Затым 1 і 2 студзеня беларусы будуць адпачываць, потым адразу чатыры выходныя: з 4 па 7 студзеня (субота — аўторак). А вось 3 студзеня (пятніца) — працоўны дзень.
Але ці можна яго зрабіць сабе выходным і наогул зрабіць сабе канікулы на сем дзён?
У Міністэрстве працы раней расказалі, як зрабіць яго сабе выходным, каб адпачынак доўжыўся тыдзень з 1 па 7 студзеня.
Можна атрымаць афіцыйны выходны. У некаторых выпадках вы страціце дзённы заробак. Каб не выходзіць на працу ў патрэбны вам дзень, можна падаць заяву аб адпачынку без захавання заробку, як кажуць, «за свой кошт».
У некаторых выпадках дадатковы дзень адпачынку з захаваннем аплаты або без яго можа быць агавораны калектыўнай дамовай прадпрыемства або іншымі ўнутранымі лакальнымі прававымі актамі.
Варыянт другі — адгул. Калі вы працавалі ў выходны або святочны дзень альбо звышурочна, вам могуць даць дзень адпачынку ў любы зручны для вас час.
«Па ўзгадненні з наймальнікам ён даецца па сямейна-бытавых і іншых уважлівых прычынах работніку па яго пісьмовай заяве», — растлумачылі ў ведамстве.
Выкарыстоўваць частку працоўнага адпачынку— трэці варыянт, прапанаваны ў Мінпрацы. Адзін ці два дні можна ўзяць у кошт адпачынку. У гэтым выпадку кіраўнік, калі пойдзе вам насустрач, узгодніць і дасць гэтыя дні. Іх нават унясуць у графік адпачынкаў.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары