За ўчорашняе ДТЗ з маршруткай пад Мінскам пакаралі работніка камунальнай службы
У нядзелю раніцай маршрутка з пасажырамі перакулілася каля Мачулішчаў на дарозе Мінск — Мікашэвічы. У выніку аварыі пацярпелі сем чалавек. Пацыенты атрымалі спалучаныя траўмы, пераломы, удары і чэрапна-мазгавыя траўмы.
Як стала вядома, што ўчастак дарогі, на якім адбылося ДТЗ, быў «несвоечасова апрацаваны салянай сумессю».
Паводле паведамлення УУС Мінскага аблвыканкама, па гэтым факце складзены пратакол па артыкуле 18.32 КаАП («Парушэнне правіл утрымання дарог, вуліц, чыгуначных пераездаў і іншых дарожных збудаванняў»).
Работнік дарожнай арганізацыі быў аштрафаваны на 20 базавых велічынь (840 рублёў)
Каментары