На палях у Беларусі ўжо прачынаюцца азімыя жыта і трыцікале, паведаміў у эфіры канала СТБ старшыня камітэта па сельскай гаспадарцы і харчаванні Мінаблвыканкама Сяргей Прымачэнка. Паводле яго слоў, сёння азімыя культуры знаходзяцца ў стане паміж перыядамі спакою і росту, і для іх такі стан кепскі.
«Нельга сказаць, што азімыя культуры знаходзяцца цяпер у ідэальным стане, і яны спакойна перазімоўваюць. Таму што ў паўднёвых рэгіёнах мы ўжо бачым прачынанне азімага жыта, ужо карэньчыкі (з'явіліся) — гэта гаворыць пра тое, што расліны пачалі вегетаваць. Гэта тычыцца ў некаторых месцах па паўднёвым рэгіёне і трыцікале. На жаль, гэта не ёсць добра, і патрабуе расходу цукраў. Расліны дыхаюць і патрабуюць да сябе ўвагі», — сказаў чыноўнік.
Сяргей Прымачэнка дадаў, што, улічваючы цяперашні паўсонны стан раслін, хутка для іх трэба будзе ўносіць угнаенні. Аднак калі прыйдуць замаразкі, якія прагназуюць у краіне на найбліжэйшыя тыдні, падкормка можа прывесці да гібелі культур.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары