Значная частка Украіны жадае стаць Расіяй, і гэты факт ужо пацверджаны гісторыяй, заявіў прэс-сакратар прэзідэнта Расіі Дзмітрый Пяскоў, піша «Спутнік».
Раней прэзідэнт ЗША Дональд Трамп адзначыў, што Украіна павінна даць гарантыі ўкладзеных у яе амерыканскіх сродкаў, бо ў нейкі дзень «можа стаць Расіяй».
«Тое, што значная частка Украіны хоча стаць Расіяй, і тое, што яна ўжо стала Расіяй, — гэта факт. Гэта факт, які адбыўся на зямлі, чатыры новыя расійскія рэгіёны», — сказаў Пяскоў, адказваючы на пытанне пра тое, як у Крамлі ўспрынялі заяву Трампа.
Як удакладніў Пяскоў, жыхары новых рэгіёнаў, нягледзячы на шматлікія небяспекі, нібыта стаялі ў чэргах і галасавалі на рэферэндуме за ўваход у склад Расіі.
Раней Трамп заявіў наступнае: «Я хачу, каб нашы грошы былі ў бяспецы. Таму што мы трацім сотні і сотні мільярдаў даляраў. Яны могуць заключыць здзелку, могуць не заключыць здзелку. Яны могуць стаць Расіяй калі-небудзь. Могуць не стаць Расіяй».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары