Ізраіль вывеў свае войскі з Лівана, але пакінуў «у пяці стратэгічных пунктах»
18 лютага ізраільскія вайскоўцы пакінулі прыгранічныя вёскі на поўдні Лівана ў адпаведнасці з пагадненнем аб спыненні агню, заключаным пры пасярэдніцтве ЗША. Аднак пры гэтым яны засталіся ў пяці стратэгічных пунктах на тэрыторыі Лівана, паведамляе Euronews.
Міністр абароны Ізраіля Ісраэль Кац патлумачыў, што гэта неабходна для гарантавання бяспекі ад магчымых парушэнняў перамір’я з боку радыкальнай групоўкі «Хезбала». Ён таксама паведаміў пра ўмацаванне новых пастоў на ізраільскім баку мяжы і дадатковае ўзмацненне войскаў.
Прадстаўнік ізраільскай арміі Надаў Шашані заявіў, што такая прысутнасць — часовая мера, узгодненая з камітэтам ЗША, які сочыць за перамір’ем. Пры гэтым каля 60 000 ізраільцян застаюцца вымушанымі перасяленцамі праз папярэднія баявыя дзеянні.
Тым часам Ліван разгарнуў свае войскі ў вызваленых населеных пунктах, займаючыся размініраваннем і расчышчэннем дарог. Улады заклікалі мясцовых жыхароў выконваць загады вайскоўцаў для захавання бяспекі.
Ліванскае кіраўніцтва асудзіла далейшую прысутнасць ізраільскіх сіл, назваўшы гэта парушэннем дамоўленасцяў і заклікаўшы ААН прымусіць Ізраіль да поўнага вываду войскаў. «Хезбала» прыгразіла мерамі ў адказ, а яе лідар Наім Касэм заявіў, што не бачыць апраўдання для прысутнасці ізраільскіх салдат.
Паводле ранейшых дамоўленасцяў, дасягнутых у лістападзе 2024 года, ізраільскія войскі павінны былі пакінуць Ліван да канца студзеня, але тэрмін быў падоўжаны да 18 лютага. У сваю чаргу, «Хезбала» абавязалася адступіць на поўнач ад ракі Літані, прыкладна за 30 км ад мяжы з Ізраілем.
Каментары
наверное самая бездарная и бестолковая компания без какого либо результата)
ну за то пейджеры)))
байден при всей "мирной" болтовне дал им и время и возможности снести сразу два прокси ирана.не воспользовались.дождались рыжего царька.теперь сидят под рыжим договорняком смирно)выставляя позорное поражение за "побэду".при этом восстанавливая по сути ряды хамаса)))лол