У Мінску стартаваў сезон арэнды электрасамакатаў. А што з цэнамі?
Сезон кікшэрынгу адкрылі аператары: расійскі Whoosh і беларускі распрацоўшчык электрасамакатаў і софту Eleven.
Штохвілінная аплата за арэнду электрасамакатаў складае ў Whoosh 32 капейкі за хвіліну, у Eleven — 33 капейкі. Старт паездкі ў абодвух аператараў абыйдзецца ў 2 рублі.
Але ён будзе бясплатным, калі аформіць падпіску. У Whoosh гэтая паслуга на 7 дзён будзе каштаваць 7 рублёў, на 30 дзён — 19 рублёў. А вось у Eleven падпіска выйдзе танней: за 7 дзён трэба заплаціць 3,99 рубля, за 30 дзён — 9,99 рубля.
Затое расійскі аператар Whoosh прапануе пакеты хвілін. Напрыклад, калі браць прыладу ў арэнду на суткі, за 20 хвілін трэба аддаць 5,9 рубля, за 30 хвілін — 8,6 рубля. А вось у пакеце паслуг на тыдзень кожную гадзіну абыйдзецца ў 16,7 рубля. Старт ва ўсіх пакетах складзе 80 капеек.
У канцы мінулага года расійская кампанія «МТС Юрэнт» купіла інтэлектуальную ўласнасць і распрацоўкі Eleven у сферы мікрамабільнага транспарту за $9,6 млн. Ранейшыя ўладальнікі Eleven фактычна сталі партнёрамі МТС.
Eleven апошнім час актыўна пашырае геаграфію кікшэрынгу ў краіне. У Брэсце пасля 4-гадовага перапынку запусцілі сэрвіс арэнды электрасамакатаў, нядаўна ён адкрыўся і ў Гомелі.
Каментары