Віцэ-прэзідэнт ЗША: У наступныя 100 дзён ЗША паспрабуюць арганізаваць перамовы Расіі і Украіны
Віцэ-прэзідэнт ЗША Джэй Дзі Вэнс заявіў, што паміж пазіцыямі Расіі і Украіны па вайне «вельмі вялікая прорва».
У інтэрв'ю Fox News ён адзначыў, што першы крок да заканчэння вайны — гэта выступ кожнага з бакоў з мірнай прапановай. І гэта ўжо адбылося.
«І цяпер праца дыпламатыі заключаецца ў спробе зблізіць гэтыя два бакі. Таму што існуе вельмі вялікая прорва паміж тым, чаго хочуць рускія, і тым, чаго хочуць украінцы».
Ванс дадаў: «Шмат нашых еўрапейскіх сяброў, якія публічна заяўляюць: «Ну, мы, магчыма, не зусім згодны з прэзідэнтам — з тым, што ён казаў, што рабіў або з усімі часткамі яго палітыкі», — у той жа час прызнаюць, што менавіта ён быў адзіным, хто сапраўды мог вымусіць абодва бакі вылучыць мірную прапанову. Бо раней гэтыя людзі наогул не размаўлялі — ні адзін з адным, ні з кімсьці яшчэ. Яны проста змагаліся. І ўсё».
Па словах Вэнса, у наступныя 100 дзён Белы дом будзе працаваць над тым, каб арганізаваць перамовы Расіі і Украіны.
Раней ЗША гразіліся выйсці з перамоваў, калі бакі найбліжэйшым часам не дамовяцца.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары