Цана сядзібнага дому ў стылі позняга класіцызму 1854-1856 гг. пакуль не вызначаная.
Цана сядзібнага дому ў стылі позняга класіцызму 1854-1856 гг. пакуль не вызначаная. У Ваўкавыскім райвыканкаме рыхтуюць неабходныя дакументы.
Сядзібны дом Бохвіцаў у в. Падароск Ваўскавыскага раёну выстаўлены на таргі. Адпаведная інфармацыя з’явілася на сайце Ваўкавыскага райвыканкаму. Што праўда, інфармацыі там небагата — няма ні даты правядзення аўкцыёну, ні меркаванай пачатковай цаны дому. Вядома толькі, што будынак, карысная плошча якога складае 990 кв.м., прапануецца ў адчужэнне. У аддзеле культуры райвыканкаму патлумачылі, што з датай правядзення таргоў вызначацца толькі праз месяц, калі будуць падрыхтаваныя ўсе неабходныя дакументы. «А потым ужо будзе зробленая ацэнка аб’екта, пасля чаго звернемся ў Міністэрства культуры па дазвол на продаж сядзібы», — паведамілі ў аддзеле культуры.
Расказалі ў райвыканкаме і пра справы ў в. Краскі, дзе расійскі бізнесовец за $105000 набыў палацава-паркавы комплекс.Вадзім Селіхаў заявіў, што збіраецца адрэстаўраваць палац у Красках і жыць у ім. Працы, найперш у парку, мусілі пачацца вясной.
У аддзеле культуры сказалі, што на дадзены момант бізнесовец шчыльна працуе з навукоўцамі, шукае звесткі пра першапачатковы выгляд палацу, каб аднавіць яго. Працы на тэрыторыі комплексу пакуль не пачаліся.«У першую чаргу новы ўладальнік хоча навесці парадак у парку, які за апошнія гады заняпаў. Зараз Селіхаў кансультуецца з спецыялістамі, каб правесці інвентарызацыю дрэваў», — расказалі ў райвыканкаме.
***
Гаспадарамі маёнтка ў Падароску ў розныя часы былі Клочкі, Дольскія, выхадцы з Італіі Сцыпіё дэль Кампа, Грыбоўскія, Чачоты. У 1854 годзе маёнтак набыў сын вядомага філосафа Фларыяна Бохвіца, Раман. Ён і перабудаваў сядзібны дом у стылі позняга класіцызму ў 1854-1856 гг. Пры ім быў пабудаваны спіртзавод, вадзяны млын (не захаваўся), сукнавальня (захаваўся фундамент) і інш. У нашы дні ў сядзібе знаходзілася школа, праўленне саўгасу. З 2004 г. дом пустуе. Апошняя рэканструкцыя тут праводзілася ў 1991 г.
Вёска Падароск знаходзіцца па дарозе з Гродна ў Брэст. Упершыню згадваецца ў 1522 г. У 1660 годзе Падароск атрымаў Магдэбурскае права.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары