Яна пражыла 96 гадоў.
Былы прэзідэнт Рэспублікі Сербскай у Босніі і Герцагавіне Біляна Плаўшыч памерла сёння раніцай у Бялградзе ва ўзросце 96 гадоў. Пахаванне адбудзецца ў Баня-Луцы (Боснія), піша rtsr.rs.
У Рэспубліцы Сербскай Босніі і Герцагавіны яна была адным з двух віцэ-прэзідэнтаў да 14 верасня 1996 года, калі пад ціскам міжнароднай супольнасці лідар баснійскіх сербаў Радаван Караджыч перадаў ёй прэзідэнцкія паўнамоцтвы. На выбарах таго года яна была абраная прэзідэнтам Рэспублікі Сербскай і займала гэтую пасаду да 1998 года.
У студзені 2001 года Плаўшыч добраахвотна здалася Гаагскаму трыбуналу. 27 лютага 2003 года яна была асуджаная на 11 гадоў пазбаўлення волі.
26 чэрвеня 2003 года з Гаагі яе перавезлі ў Швецыю для адбывання пакарання ў турме Хінсэберг, адкуль яна была вызваленая ў канцы кастрычніка 2009 года і вярнулася ў Бялград пасля адбыцця дзвюх трацін тэрміну.
У Бялградзе Плаўшыч жыла адасоблена, не займаючыся палітычнай дзейнасцю.
Каментары