На пасяджэнні парламента дэпутаты прынялі законапраект аб забароне доступу да сайтаў, што ўтрымліваюць кантэнт з элементамі парнаграфічнага характару ў інтэрнэт-прасторы Кыргызскай Рэспублікі, у другім і трэцім чытаннях, паведамляе 24.kg.
Згодна з законапраектам, «распаўсюджванне кантэнту, які змяшчае элементы парнаграфічнага характару, у інтэрнэт-прасторы Кыргызскай Рэспублікі не дапускаецца».
У дакуменце прапісана, што:
-
доступ да сайта або да старонкі сайта парнаграфічнага характару павінен быць абмежаваны цягам 24 гадзін з моманту атрымання патрабавання аб выкананні такіх дзеянняў;
-
уладальнік сайта або старонкі павінен выдаліць такі кантэнт на працягу 24 гадзін з моманту прад’яўлення адпаведнага патрабавання ўпаўнаважаным дзяржаўным органам;
-
у выпадку адмовы ад выдалення кантэнту або парушэння тэрмінаў праца сайта можа прыпыняцца на тэрмін да двух месяцаў;
-
уладальнік не мае права ствараць новы сайт або старонку сайта ў інтэрнэце на працягу перыяду прыпынення працы сайта або старонкі сайта.
Кабінет міністраў у выпадку прыняцця закона абавязаны стварыць рэестр забароненых інтэрнэт-сайтаў, што змяшчаюць элементы парнаграфічнага характару, доступ да якіх будзе заблакаваны на ўсёй тэрыторыі рэспублікі.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары