У Польшчы збіраюць грошы на лячэнне хворага беларускага хлопчыка
На платформе Siepomaga.pl з'явілася абвестка пра збор на лячэнне трохгадовага Давіда Еўсяевіча родам з Мінска. У яго — спінальная мышачная атрафія (СМА).
Як пішуць бацькі Давіда, першыя прыкметы хваробы з’явіліся ў ножках: хлопчык раптам пачаў падаць, стаў няўстойлівым, перастаў падымацца па прыступках. Ён пазбягаў гульняў, дзе трэба было некуды залазіць — напрыклад, на горкі ці лесвіцы. Потым пачаў прасіць, каб бацькі насілі яго на руках — ён ужо не мог прайсці доўгія дыстанцыі. У выніку давялося пачаць карыстацца інвалідным вазком.
Бацькі былі спалоханыя і не разумелі, чаму раней здаровы хлопчык раптам апынуўся ў такой сітуацыі. Яны абышлі мноства спецыялістаў, пакуль пасля генетычных аналізаў не пачулі канчатковы дыягназ — спінальная мышачная атрафія (СМА).
Свет для бацькоў падзяліўся на «да» і «пасля».
Яны адразу пачалі дзейнічаць, шукаць дапамогу, падтрымку, інфармацыю. Але вельмі хутка высветлілася, што лячэнне надзвычай дарагое — і без дапамогі справіцца немагчыма.
Хвароба забірае ў Давіда дзяцінства, сілы і магчымасць самастойна рухацца. Але лекары кажуць, што хлопчык зможа жыць нармальна, калі своечасова пачне атрымліваць спецыяльны прэпарат. Чым хутчэй — тым лепш.
Падтрымаць Давіда Еўсяевіча можна па спасылцы.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
почему-то не раскрыт этот момент в статье.